اغانى كنّا بنسمعها غلط << ده هيبئة موضوع مسخرة >>

ازيكم يا احلي رايقين

الموضوع دا عباره عن ان كل واحد هيكتب اغنيه كان بيسمعها زمان غلط ويكتب الصح بتاعها ..زى كده ::

انا كنت بسمع محمد منير بيقول (شجر المسترح ) واقول يا عالم يا هووو فيه شجر اسمه المسترح ؟
دا بيستريحو عليه ولا ايه ؟
...بابا بابا هو فيه شجر اسمه المسترح ؟
.. لا يا بنى ..نافووووووخى يا عالم ..

وفى الاخر عرفت انها (شجر الموز طرح ) ههههههههههههه

يلا كل واحد يدخل يقول الاغانى الى كان بيسمعها غلط والصح بتاعها

واغنية تانية لبهاء سلطان اللي هي الشوك كنت بسمعة بيقول " الشوك بامان الورد" طلعت في الآخر "الشوك بقي مالي الورد "واغنية ياللي ماشي " كنت بسمعة بيقول (مافتكرتش حاجه مني اللي بيهديني تاني ) المهم طلعت في الآخر ( اللي بيه هاتجيني تاني )

كنت بسمع اغنية صفاء ابو السعود اللي بتقول فيها " سعد نبيهه بيخليها قولوا معايا قولوا كتر يارب في افراحنا "
وانا بسأل مين سعد نبيهة ده ؟
اتضح انها بتقول سعدنا بيها
هههههههههههههههههه

عارفين أغنية أما كلثوم بتاعة ألف ليلة و ليلة لما بتقول يلا نعيش في عيون الليل ( هي كده صح؟؟؟ ) المهم أنا كنت بقولها أيه ( يلا نعيش في
عيون النيش ) و افضل تعبانة يا ترى أيه هو النيش ده اللي هيعيشوا جوا عينه.

شفتوا الحول في الودان ؟
يللا نشوف مين تاني كان احول في ودانه زمان

يللا اشجوني اشجوني