الجزء الثانى من يالهوى هو فيه كده!!!

السلام عليكم ورحمة الله وبركاته
دى رابع مشاركاتى بعد اول جزء من يالهوى هو فى كده وجزئين لوقاية الانسان من الجن و الشيطان واتمنى ان حاجاتى تعجبكم ومش تكون مملة ورخمه زى ماقالت لى نفسى واسال ربى ان ينفعنى واياكم بها .....................
انما صحيح هو ليه سموا القلعه قلعه مع انها محترمه وسموا القالعين اللى بيدخلوها سياح مع انهم ******
هل فكرت يوما باولاد بلدك وبحثت حول الحقيقه المره لمعرفة من الذى خان الخليلى؟؟؟؟
وليه لما الحاجه من البلكونه لما بتكون انت رايح مشوار مهم ومطقم وتكب عليك مية الله اعلم بحالها وتزغرلك بعينها الخضرا كان حقا عليك ان تقول لها انا اسف ياطنط!!!!وتعيطلها عشان تسامحك
بستعجب لما بسمع عن كوم حماده وليه يارب مش سموه كوم تامر او حتى كوم علاء.
ليه الناس اصبح سلامها يااما بالايد مشاورة لا نطقا واحيانا ممكن والله واحد يسلم عليك برمش عينه عندها تتذكر "رمش عينه اللى جرحنى""
مع ان الرسول صلى الله عليه وسلم قال "اولا ادلكم على شىء اذا فعلتموه تحاببتم افشوا السلام بينكم"" والله اتحدا انه لو قابل الحاج ***** اللى ماسك فرن العيش فى بلده الا لما يشرب عنده الشاى ده الفرن بئه يعنى عيش يعنى حياة ماعلييييناااااااا...
وليه لما تكون راكب عربيتك ومعلى الكاسيت تلاقى كل الناس بتزغرلك تروح موطيه شويه برضه تلاقى الناس بتزغرلك زهقت وقفلته برضه نفس الناس بتزغرلك وبعدين تعرف انهم بيحسدوا العربيه سبحان الله!!
ده غير بئه لما تكون ماشى بنفس العربيه فى الشارع ويكون يوم اربعاء مثلا ويكون العيد لسه باقى عليه 10 شهور وبدون اى مناسبات ولا مواسم تلاقى عامل البلديه يبصلك بحنيه ويقولك كل سنه وانت طيب يابيه وبما انك وطنى وبتحب بلدك هتبصله بكل حنيه وتسيبه وتطلع على الخامس ..
ليه لما واحد بيكون راكب عربيه احدث موديل وجامده الناس كلها بتبص عليها والزجاج فاميه مش باين منه حاجه ويكون بسرعه رهيبه ويروح مطرطش عليك مية الشارع تشتمه ليه كده مش ممكن يكون معاه واحده غريبه وعاوزه تروح المستشفى متنسوش الزجاج فاميه عشان محدش يفهمه صح..
ويشد انتباهى اكتر التوك توك اكيد الكل عارفه الان بعد ماشتهرت قضاياه فى بلدنا ووقفته امام المحاكم المهم لما بلاقيه جاى جنب الميكروباص او المينى باص ويزنق عليه اهاااااااه ايه ياعم انت مش شايف نفسك ولا ايه فكرنى بالنكتة اللى بتقول ان فى فار دخل خماره كلها قطط شرب وسكر على اخره الفار طبعا بدأ يهيس مش متعود على الجو ده هو اخره اللانشون والجبن الرومى رزقكم الله احداهما وقال لو فى قط هنا شايف نفسه يجيلى وانا همرمغه فكان فى قط اسود كده قام زاغرله اوى بعينه راح الفار قايل بكل شجاعه ماعدا ابو سمره ده حبيبى هو ده نظام التوك توك متخليك فى حالك ياكتاكيتو ...
ولا لما تركب عربيه ومفيهاش تسجيل ولو حتى فيها وبيكون حالها حاجه غريبه ولا فى بلاد الافيال الموتور صوته زى صاروخ هينطلق الى الفضاء وورا السواق تحس انك قاعد فى فرن عيش والكلكس صوت واحده من شارع ابو***** عالى جدا لا يرضى به الادب ابدا ماعليناا اشمعنا هماااا بس اللى نفسه اعرفه البت اللى شغاله كلكس دى ونايمه تحت العربيه بتاخد كام فى الليله بتتعب اكيد !!!!!!!!!!
وياحلاوه ياحلاوة لما تكون راكب اتوبيس او مينى باص ويكون شاب فى العشرينات قاعد وامامه رجل كبير واقف تقوله قوم للحاج يقولك انا تعبان واول مواحده حلوه تركب يقولها تعالى اقعدى ياحاجه اهااااااااااه هى يعنى دى حجت فى السعوديه والراجل ده حاج فى الجزائر مش عااارف...
واللى بيرنفزنى اكتر ويخلينى اكاد ان اقوم بعمليه ارهابيه فى الانسان ده اننا واحنا فى الصلاة المفروض ينتبه الى انه بين يدى ربه يجب عليه الاحترام وتقدير الذات الالهيه ده لو واقف امام****هيكون بكل ادب واحترام وحاطط ايده فى جنبه طبعا وبيتكلم بكل ادب ولو ثعبان تسلق على جسده لم يتزحزح ولم يتنحنح ولا يقول إإح ابدا كما قال الحاج حناوى فتجد هؤلاء يصلون باجسادهم فقط وقلوبهم وعقولهم تدور بمئات الاشياء ياترى الوليه عملت الاكل ولا لسه وياترى الجرشينات جابت كام دلوقتى ومصنع اللبان بيكسب ولا لأ وحتة الارض دى تعمل كام دلوقتى وياترى انا نسيت الميه مفتوحه ولا ايه "سمع الله لمن حمده"" والقبض اخر الشهر ده .. والحمد لله انا بقالى 3 شهور واقبض الجمعيه والشهر الجاى قسط السخان ابو ولعه هيخلص "السلام عليكم ورحمة الله" "السلام عليكم ورحمة الله" ولم يشعر بالشعور الحقيقى للصلاة فمن اعرض عن الله اعرض الله عنه واقول لهؤلاء من تقف بين يديه الان يدبر امور الكون كله والاكوان الاخرى والافلاك الاخرى والنجوم والكائنات حتى النمل فى جحوره فانتبه واجعل نفسك مع الله وارم خلفك مادون الله فقد كان السلف الصالح حينما يدخلون فى صلاتهم كأن الكعبه امامهم والرسول خلفهم والجنه عن اليمين والنار عن الشمال وهم يقفون على الصراط وملك الموت ينتظرهم بعد الصلاة ليقبض ارواحهم فانظر كيف كانت صلاتهم خشوع كامل وبعد كل ذلك يقولوا لا ادرى اقبلها الله منى ام لا اللهم ارحمناااااا واشغلنا بالطاعه وارزقنا الخشوع فى الصلاة قولوا امين .........
والله انا متأسف جدا جدا جدا على الاطاله بس الموضوع بتاع الصلاة ده اخدنى شويه لانهم كثروا فى ذلك الزمان اسال اللى لى ولكم القبول