فناة شباب الفيس بوك " E7Na-tv " فكرة جرئية

ايمانا منى بالفكره قررت نشرها لكم
التى قد تغير شئ او تكون امل للبعض
او نحاول معها البحث عنا
كانت فكره انشاء قناه احنا
ولان كل حلم كبير ما كان الا فكره صغيره
علينا ان نتمسك ببعض من احلامنا
ونسعى لتحقيقها

فناة شباب الفيس بوك " E7Na-tv " فكرة جرئية 194683393

فناة شباب الفيس بوك " E7Na-tv " فكرة جرئية 194683393

"قناتنا "احنا " الفضائية
e7na tv

بتاعتنا.......... مش بتاعتهم
قناة تنطلق من الفيس بوك إلي ارض الواقع بإذن الله

فى حركه مجنونه وجريئه هنعمل قناه لشباب الفيس بوك ففكرنا نعمل شركه مابينا ونفتح قناه فضائيه ونعمل السهم بجنيه ونعمل احلى برامج واحلى كلام وهنقول اللى عاوزينه هتكون اكتر قناه ليها جماهيريه فى مصر والعالم العربى كله لانها قناه الشباب وبتكلم بجد و بتحكى عن كل حاجه بجد وهننشئ مجلس إدارة للقناه من اعضاء الجروب وكل المذيعين والمعدين والمخرجين وكل الكاست
مننا وافكار البرامج بتاعتنا وهتكون بسيط بس عننا بتعبر وهنجيب اعلانات لان القناه هيكون ليها جماهيريه كبيرة و هنكسب لو مش هنكسب كفايه انك تكون بتعبر عن نفسك هتقول اللى فى قلبك و لو معانا محاميين هم اللى هينفذوا الصياغه بتاعه العقود بينا اللى

عاوزيين ايه !!!

في عالمنا العربى عشرات المنابر الإعلامية التي تحمل كل منها توجه رأس المال أو الراعي الرسمي لها، فالأعلام الحكومي يطرح وجهة نظره بشكله الرسمي والإعلام الخاص يجسد وجهة نظر، إما أفكار ربحية بحتة أو أفكار موجهة باختصار شديد الجميع ترك المواطن العربي بشكل العام والإنسان المصري بشكل خاص فريسة سهلة للإعلام باختصار شديد فكرة الحيادية الحقيقيه مفقودة في إعلامنا العربي والمصري من أجل ذلك كانت فكرة قناة "" كقناة جديدة ومحاولة متواضعة لإرساء دعائم جديدة لإعلام عربي حقيقى محايد الإنسان هو محوره الأول ؛ لأن ملايين الشباب المصري والعربي أصبح يتطلع لمستقبل لهذه الأمة ؛ فكان من الحتمي ان نسمعهم بآذان لا تتعالى عليهم لأنها عقولهم هي التي ستقيم هذا النتاج الفكري ؛ فهي قناة يديرها ويعد برامجها ويملك أصول أموالها شباب مصري تحمل فكر الأمل لكل الأمة العربية دون التعصب لدين أو عرق أو تيار سياسي قناة هدفها الأول الشباب العربي و المصري تحمل همومهم وتعبر عنهم .

في هذا الإطار نؤكد من الوهلة الأولى أننا لن نكون فريسة سهله لأي تيار سياسي او ديني او عرقى نبحث عن اعلام حر يحرره شباب مصر لكل العالم العربى ؛ لن نقدم اعلام أسود في مناخ أبيض ولا أعلام أبيض وسط أجواء سوداء ؛ ونؤكد أن كل الأعمال العظيمة في تاريخ البشر بدايتها فكرة ؛ ونؤمن ايضاً اننا اليوم نمتلك 1000 عقل مصري وعربي مخلص يحب الوطن من اجل هذا فيجب على من ينضم للقناة ان يخلع عن نفسه أي انتماء عرقي او سياسي أو دينى فنحن لانريد سوى الانتماء لهذا الوطن فقد أصبح من الحتمي علينا ان يكون لنا دوراً حقيقياً في هذا العالم

احنا مين ؟؟؟؟؟

احنا الشباب الموهوبين _ يمنع دخول الاغبياء_ اعلاميين وصحفيين مهنيين وحرفيين وكل اللى شايف فى نفسه ميزة ومش لاقى حد يكتشفها، م الاخر احنا بتوع الشفافية .. شفافية بحق وحقيق، عشان نفسنا ننهض باعلام بلدنا ونفسنا يبقى عندنا اعلام بتاعنا مش بتاعهم، ولما يجيلنا مسئول ما ينفعش يقول غير الحقيقة .. ومذيعينا مش حنختارهم بالكوسة أو واسطة ولا بالجمال، ومن حق أى واحد يبقى مذيع بس بشرط يبقى معانا مش معاهم.. طبعا حتسألوا هما مين؟!!
هم كل اللى بيحاولوا يغيبونا أو يضللونا سواء عن طريق الكليبات التافهة أو اجساد الراقصين والراقصات أو الاخبار الموجهة والمضروبة والتصريحات الوهمية يعنى م الاخر ناويين نلعبها بجد يمكن نهيس أو تخرب مننا لكن فى النهاية خطوة فى طريق حلمنا، وعشان من حقنا نحلم قررنا نشرككم فى حلمنا .. حننزل كل شبر فى مصر ونغطى أخباره بطريقتنا مش بطريقة حد تانى، يمكن نكون مش محترفين لكن حنحاول .. نفسنا نعمل اعلام يجمع ما يفرقش، نفسنا نشوف مسئول يقول انا غلطان ، نفسنا فى اعلام مختلف بدون اى خطوط لا حمرا ولا صفرا، عايزين اعلام ذكى بيفكر وبيبدع بعيدا عن فيروس الغباء المنتشر داخل وسائل الاعلام العربية

للاشتراك في الجروب

https://www.facebook.com/home.php#/group.php?gid=20476850993

القناة دي بتاعتنا احنا

شباب مصر
رد باقتباس